გერმანიის თავდაცვის მინისტრი - დარწმუნებული ვარ, უკრაინისთვის Leopard-ის ტანკების მიწოდების საკითხზე გადაწყვეტილებას უახლოეს დღეებში მივიღებთ

გერმანიის თავდაცვის ახლადდანიშნული მინისტრის, ბორის პისტორიუსის განცხადებით, უკრაინაში გერმანული Leopard 2-ის ტანკების მიწოდება არ უნდა იყოს დაკავშირებული შეერთებული შტატების მიერ Abrams-ის ტანკების მიწოდებასთან, - ინფორმაციას უკრაინული მედია ავრცელებს.

”ჩემთვის არაფერია ცნობილი ასეთი ურთიერთდამოკიდებულების შესახებ”, - განაცხადა გერმანიის თავდაცვის მინისტრმა, როდესაც მან უპასუხა შეკითხვას, მზად არის თუ არა გერმანია უკრაინას Leopard-ის ტანკები მიაწოდოს მხოლოდ იმ შემთხვევაში, თუ შეერთებული შტატები Abrams-ის საბრძოლო ტანკებს მიაწოდებს.

კითხვაზე, მიაწვდის თუ არა გერმანია უკრაინას საბრძოლო ტანკებს აშშ-ის გარეშე, პისტორიუსმა უპასუხა, რომ ამ საკითხს კანცლერი ოლაფ შოლცი აშშ-ის პრეზიდენტ ჯო ბაიდენთან განიხილავს.

"აბსოლუტურად დარწმუნებული ვარ, რომ ამ საკითხზე გადაწყვეტილებას უახლოეს დღეებში მივიღებთ, მაგრამ დღეს ვერაფერს გეტყვით", - განაცხადა მან.

შეგახსენებთ, მანამდე მედიაში გავრცელდა ინფორმაცია, რომ გერმანიის კანცლერმა, ოლაფ შოლცმა აშშ-ის პრეზიდენტთან, ჯო ბაიდენთან სატელეფონო საუბარში უკრაინისთვის გერმანული წარმოების Leopard 2 ტანკების მიწოდების პირობა წამოაყენა და განაცხადა, რომ გერმანია უკრაინას Leopard-ის ტანკებს იმ შემთხვევაში გადასცემს, თუ შეერთებული შტატები უკრაინას Abrams-ის ტანკებს მიაწვდის.

ბიძინა ლებანიძე - სრულიად გაუგებარია, ან ხელისუფლების მხარდამჭერებს რა უხარიათ და ან ხელისუფლების ოპონენტებს, რეალურად, მნიშვნელოვანი ცვლილება ევროპარლამენტის არჩევნების შედეგად არ მომხდარა
გიორგი ცუცქირიძე - ლარის კურსის ვარდნა ეკონომიკაში ფუნდამენტურ ცვლილებებს არ უკავშირდება და აჟიოტაჟის შედეგი იყო
ქართული პრესის მიმოხილვა 13.06.2024
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი