კოალიციას შეუძლია „სატანკო რამშტაინი” გააკეთოს, შემდეგ კი - „F-16-ის რამშტაინი“, - ამის შესახებ უკრაინის პრეზიდენტმა ვოლოდიმირ ზელენსკიმ „რამშტაინის“ შეხვედრაზე უკრაინის პარტნიორი ქვეყნების თავდაცვის მინისტრებთან ვიდეოჩართვის დროს განაცხადა.

„არა ვაჭრობა ტანკების ამა თუ იმ რაოდენობაზე, არამედ პრინციპული მიწოდებების დაწყება, რომლებიც რუსულ ბოროტებას გააჩერებენ… ჩვენ ასევე იმედი გვაქვს, რომ თქვენი შემდგომი შეხვედრები ისტორიაში როგორც „F-16-ებისა და შორი რადიუსის მოქმედების რაკეტების რამშტაინი“ შევა. ეს თქვენს ძალებშია - ისეთი არტილერიისა და ისეთი საჰაერო თავდაცვის გარანტირება, რომლებიც ტერორს გატეხავენ”, - განაცხადა ზელენსკიმ.

უკრაინის პრეზიდენტის თქმით, რუსეთს მსოფლიოში ისეთი წესრიგის არსებობა სურს, რომელშიც ერების განადგურება შეიძლება და მოსკოვში ამაზე ღიად საუბრობენ. ზელენსკიმ უკრაინის პარტნიორი ქვეყნების თავდაცვის მინისტრებს მოუწოდა არ დაუშვან მსოფლიოში ისეთი წესრიგების არსებობა, როდესაც სიძულვილი ბატონობს.