გერმანია პოლონეთის მიერ უკრაინაში Leopard-ის ტანკების გაგზავნას ხელს არ შეუშლის, - ამის შესახებ გერმანიის საგარეო საქმეთა მინისტრმა, ანალენა ბერბოკმა განაცხადა.

ფრანგულ ტელეკომპანია LCI-სთან ინტერვიუში კითხვაზე, რა მოხდება, თუ პოლონეთი Leopard 2-ის ტანკებს უკრაინას გერმანიის თანხმობის გარეშე გაუგზავნის, ანალენა ბერბოკმა უპასუხა : „ჩვენ ამას დაბრკოლებას არ შევუქმნით“.

ცნობისათვის, პოლონეთის პრემიერ-მინისტრის, მატეუშ მორავიეცკის თქმით, თუ გერმანია უკრაინისთვის Leopard 2-ის ტანკების გადაცემასთან დაკავშირებით თანახმა არ იქნება, მაშინ მისი ქვეყანა სხვა სახელმწიფოების „მცირე კოალიციას“ შექმნის, რომლებიც მზად არიან უკრაინას ტანკები და სხვა აღჭურვილობა გაუგზავნონ.