საქართველოს პარლამენტის თავმჯდომარე შალვა პაპუაშვილმა საქართველოში ამერიკის შეერთებული შტატების საგანგებო და სრულუფლებიან ელჩთან კელი დეგნანთან სამუშაო შეხვედრა გამართა.

პარლამენტის პრესსამსახურის ინფორმაციით, შეხვედრაზე შეაჯამეს პარლამენტის 2022 წლის საქმიანობა და განიხილეს საგაზაფხულო სესიის დღის წესრიგი, აგრეთვე, მიმოიხილეს საქართველოში მიმდინარე მოვლენები.

მხარეებმა ასევე დეტალურად განიხილეს ევროკავშირის 12 რეკომენდაციით გათვალისწინებული რეფორმები.