პაველ ჰერჩინსკი - ზოგიერთი პრიორიტეტი განხორციელდა, ზოგზე მუშაობა ჯერ კიდევ გრძელდება - შედეგების მიხედვით შევაფასებთ საქართველოს მიერ მიღწეულ პროგრესს

საქართველოში ევროკავშირის ელჩის, პაველ ჰერჩინსკის განცხადებით, მან და საქართველოს პარლამენტის თავმჯდომარემ, შალვა პაპუაშვილმა 12 პრიორიტეტის განხორციელებასთან დაკავშირებით შეხედულებები გაცვალეს.

ჰერჩინსკის თქმით, ევროინტეგრაციის გზაზე საქართველოს მიერ მიღწეული პროგრესი, ამა წლის ოქტომბერში, ჯერ ევროკომისიის მიერ შეფასდება, რის შემდეგაც, წლის დასარულს, მას ერთობლივად, ევროგაერთიანების 27 წევრი სახელმწიფო განიხილავს.

„როგორც თქვენ იცით, ზოგიერთი პრიორიტეტი განხორციელდა, ზოგზე კი მუშაობა ჯერ კიდევ გრძელდება. სხვა პრიორიტეტებზე საქართველოს პარლამენტი ელოდება მოსაზრებას საერთაშორისო სტანდარტების დამდგენი ორგანიზაციებისგან, როგორიცაა ვენეციის კომისია და ODIHR, რის შემდეგაც მუშაობა გაგრძელდება. შედეგების მიხედვით, ჩვენ შევაფასებთ 12 პრიორიტეტთან დაკავშირებით საქართველოს მიერ მიღწეულ პროგრესს. ეს ევროკომისიის მიერ ოქტომბერში გამოქვეყნდება და შემდეგ, ევროკავშირის წევრი ქვეყნები შედეგებს განიხილავენ, შეაფასებენ და გადაწყვეტენ შემდეგ ნაბიჯებს ამ წლის დასასრულს. ჩვენ წინ ძალიან დატვირთული წელი გვაქვს და 12 პრიორიტეტის განხორიელების მხრივ და ზოგადად, ევროკავშირის წევრობის გზაზე საქართველოს წინსვლის კუთხით, მე გულითადად წარმატებას ვუსურვებ საქართველოს და ქართველ პოლიტიკოსებს“, - აღნიშნა ელჩმა.

ამასთან, დიპლომატმა განაცხადა, რომ ევროკავშირი ორგანიზაციაა, რომლის წევრიც 27 სახელმწიფოა, ბლოკის თითოეულ წევრს კი თავისუფლება აქვს გამოხატოს საკუთარი პოზიციები.

„ამ დროისთვის, 12 პრიორიტეტზე და უფრო ფართოდ, ევროპულ სტანდარტებთან და ევროპულ პრინციპებთან დაახლოებაზე სამუშაოები გრძელდება. ჩვენის მხრივ, გულწრფელად ვიმედოვნებთ ეს სამუშაო დადებით შედეგს მოიტანს წლის ბოლოს“, - განაცხადა ჰერჩინსკიმ.

გარდა ამისა, ჟურნალისტის კითხვაზე თუ რა პასუხი აქვს „ქართული ოცნების“ ყოფილი დეპუტატების განცხადებაზე, რომ პარტნიორები მართლმსაჯულების სისტემაზე გავლენის მოხდენას ცდილობენ, ჰერჩინსკიმ განაცხადა, რომ ევროკავშირი სრულად სცემეს პატივს სასამართლოს დამოუკიდებლობას.

„ჩვენ სრულად ვცემთ პატივს სასამართლოს დამოუკიდებლობას. ეს არის ერთ-ერთი ძირითადი პრინციპი, რაზეც ევროკავშირია დაფუძნებული“, - დასძინა ელჩმა.

ლევან  შენგელია - საქართველოს შემთხვევაში „სუვერენული დემოკრატია“ საგარეო-პოლიტიკური ორიენტაციის ხასიათსაც ატარებს და ის აშკარად არ არის დასავლეთისკენ მიმართული
ქართული პრესის მიმოხილვა 30.01.2023
გია ხუხაშვილი - „ოცნებამ“ „ნაცმოძრაობის“ თავმჯდომარედ მისთვის ყველაზე კომფორტული პიროვნება მიიღო, ამიტომ იყო, რომ მმართველი გუნდი ხაბეიშვილს გულშემატკივრობდა
კახა ოქრიაშვილი - ჩვენი ეკონომიკა გაიზარდა მხოლოდ შარშან, უკრაინის გაუბედურების ხარჯზე, რადგან საქართველოში ხალხი და ფული რუსეთიდან შემოდის
„ლიბერთი“ მასშტაბური პროექტის „ახალგაზრდული მეწარმეობა სოფლის განვითარებისთვის“ სტრატეგიულ პარტნიორობას აგრძელებს
BTU-მ ხელოვნური ინტელექტის ეროვნული სტრატეგიის შექმნისთვის საჭირო კვლევა დაიწყო
სიახლე - „ლიბერთის“ ბანკომატებში Apple Pay-ს და Google Pay-ს გამოყენებით უკვე შესაძლებელია ნებისმიერი ოპერაციის შესრულება
კახა ოქრიაშვილი - ვულოცავ „ნაციონალურ მოძრაობას“ შიდა დემოკრატიის განვითარების ახალ ეტაპზე გადასვლას, რის შედეგადაც ეს პარტია უკეთესი და უკეთესი ლიდერებით შეივსება“
TNET-ი და USAID-ი ითანამშრომლებენ ელექტრონული კომერციის განვითარებისთვის საქართველოში
CashBack და Mastercard-ის აქცია ქართული ბრენდებისთვის - 60%-მდე ქეშბექი ონლაინ შოპინგისას
EIB Global-სა და კრედო ბანკს შორის მიკრო, მცირე და საშუალო ზომის საწარმოების მხარდასაჭერად 28.8 მილიონი ლარის მოცულობის სასესხო ხელშეკრულება გაფორმდა