უკრაინის პრეზიდენტის, ვოლოდიმირ ზელენსკის განცხადებით, მან ხელი მოაწერა ეროვნული უსაფრთხოებისა და თავდაცვის საბჭოს გადაწყვეტილებას რუსეთის 22 მოქალაქის წინააღმდეგ სანქციების დაწესების შესახებ, რომლებიც „სულიერების საფარქვეშ მხარს უჭერენ კრემლის ტერორს და გენოციდურ პოლიტიკას“.

„სანქციები დაწესდა 22 ადამიანის მიმართ - რუსეთის მოქალაქეების მიმართ, რომლებიც სულიერების საფარქვეშ მხარს უჭერენ ტერორს და გენოციდურ პოლიტიკას“, - განაცხადა ზელენსკიმ.

უკრაინის პრეზიდენტის ვებ-გვერდზე გამოქვეყნებული ინფორმაციის თანახმად, სანქცირებულ პირებს შორის არიან : რუსეთის მართლმადიდებლური ეკლესიის საგარეო საეკლესიო ურთიერთობის განყოფილების უფროსი გრიგორი ალფეევი (ვოლოკოლამსკის მიტროპოლიტი ილარიონი), რუსეთის მართლმადიდებლური ეკლესიის საგარეო საეკლესიო ურთიერთობების განყოფილების უფროსის მოადგილე ნიკოლაი ბალაშოვი (დეკანოზი), რუსეთის მართლმადიდებლური ეკლესიის დეკანოზი არტემი ვლადიმეროვი და სხვა პირები.

შესაბამისი სანქციები, სხვა ზომებთან ერთად, ქტივების გაყინვასაც მოიცავს.