გერმანიის თავდაცვის მინისტრი - უკრაინისთვის „ლეოპარდის“ ტანკების მიწოდებასთან დაკავშირებით გადაწყვეტილებას ძალიან მალე მივიღებთ

გერმანია ძალიან მალე გადაწყვეტს, დაუშვებს თუ არა უკრაინისთვის „ლეოპარდ 2“-ის ტანკების მიწოდებას, - ამის შესახებ გერმანიის თავდაცვის მინისტრმა, ბორის პისტორიუსმა განაცხადა.

„ვამზადებთ გადაწყვეტილებას, რომელსაც ძალიან მალე მივიღებთ“, - განაცხადა პისტორიუსმა.

მისი თქმით, თუ ტანკების გაგზავნის შესახებ გადაწყვეტილების მიღება მოხდება, გერმანია შეძლებს ძალიან მალე იმოქმედოს.

ამასთან, მან უპასუხა კრიტიკას, რომ გერმანია ტანკების გაგზავნას აფერხებს და ხაზი გაუსვა, რომ გერმანია არ არის ერთადერთი ქვეყანა, რომელიც ამ საკითხზე გადაწყვეტილებასთან დაკავშირებით მსჯელობს.

„არიან პარტნიორები, რომლებიც ჯერ კიდევ შეფასებას ახორციელებენ, ეს არის პროცესი“, - განმარტა გერმანიის თავდაცვის უწყების ხელმძღვანელმა.

ამასთან, მისი თქმით, გერმანია ხელს არ შეუშლის, თუ სხვა ქვეყნები „ლეოპარდის“ ტანკების გამოყენებაზე წვრთნებს დაიწყებენ.

„ჩვენ არ ვეწინააღმდეგებით წვრთნების დაწყებას, მაგრამ ამას ვერ გავაკეთებთ მანამ, სანამ არ მივიღებთ გადაწყვეტილებას, თუ როგორ მოვიქცეთ „ლეოპარდის“ ტანკების მიწოდებასთან დაკავშირებით“, - აღნიშნა პისტორიუსმა.

შეგახსენებთ, პოლონეთის თავდაცვის მინისტრმა, მარიუშ ბლაშაკმა დღეს განაცხადა, რომ პოლონეთმა გერმანიას „ლეოპარდ 2“-ის ტანკების უკრაინისთვის გადაცემასთან დაკავშირებით ოფიციალური თხოვნა გაუგზავნა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024