ვოლოდიმირ ზელენსკიმ ხელი მოაწერა კანონს, რომელიც სამხედროების სისხლისსამართლებრივ პასუხისმგებლობას ზრდის

უკრაინის პრეზიდენტმა, ვოლოდიმირ ზელენსკიმ ხელი მოაწერა კანონპროექტს, რომელიც ზრდის სამხედროების სისხლისსამართლებრივ პასუხისმგებლობას საბრძოლო ბრძანებების შეუსრულებლობისთვის, ბრძოლის ველიდან ან სამხედრო ნაწილიდან გაქცევისთვის.

მანამდე, ამ კანონს მხარი დაუჭირა უკრაინის შეიარაღებული ძალების მთავარსარდალმა ვალერი ზალუჟნიმ, უფლებადამცველების, საზოგადოების ნაწილის კრიტიკის მიუხედავად და ასევე იმის მიუხედავად, რომ კანონპროექტზე ვეტოს დადების მოთხოვნით პრეზიდენტის ვებსაიტზე პეტიცია გამოაქვეყნეს.

კანონპროექტს რადაში კენჭი 13 დეკემბერს უყარეს და ხელმოსაწერად პრეზიდენტს გადაეგზავნა. მას მხარს უჭერდა ყველა პოლიტიკური ძალა, „გოლოსის” გარდა.

კანონპროექტი ითვალისწინებს ცვლილებების შეტანას უკრაინის სისხლის სამართლის კოდექსის 69-ე და 75-ე მუხლებში, რაც შეეხება „ჯარისკაცებისთვის კანონით გათვალისწინებულზე მსუბუქი სასჯელის დაკისრების შესაძლებლობის გამორიცხვას და სასჯელის პირობითი მოხდისაგან გათავისუფლებას“.

ასევე იზრდება სანქციების დონე სამხედრო ადმინისტრაციულ სამართალდარღვევათა ჩადენაზე.

კანონპროექტზე პრეზიდენტის მიერ ვეტოს დადების მოთხოვნით პეტიცია 15 დეკემბერს გამოქვეყნდა და დღე-დღეში 25 500-ზე მეტი ხელმოწერა შეგროვდა, განსახილველად საჭირო იყო 25 000 ხმა.

ზურაბ ბატიაშვილი - დასავლეთში მიღებულია გადაწყვეტილება, რომ ამ ომში უკრაინამ უნდა გაიმარჯვოს და ეს 2023 წელს მოხდება
ქართული პრესის მიმოხილვა 26.01.2023
ფარხად მამედოვი - აზერბაიჯან-სომხეთის მოლაპარაკებები შეიძლება შედგეს თბილისში, მაგრამ იმ შემთხვევაში, თუ ძირითადი მოდერატორი ამერიკა იქნება და არა ევროკავშირი
ხელოვნური ინტელექტი და სწავლების მეთოდები - BTU მასშტაბურ კვლევას იწყებს
ქართული ბიზნესკომპანიები უკრაინის მხარდაჭერას განაგრძობენ
Glovo და TNET საქართველოში ახალ ტექნოლოგიურ რეალობას ქმნიან
ხელოვნური ინტელექტის ინოვაციური პროდუქტის ChatGPT-ს შესახებ BTU-ში დისკუსია გაიმართა
Wolt საქართველოს მომხმარებელთა მხარდაჭერის გუნდი მალე გერმანიასაც მოემსახურება
“ლიბერთი” განათლების ხელშეწყობას აგრძელებს
წიგნი, რომელიც ხელოვნური ინტელექტის მიერ დაიწერა BTU-ში წარადგინეს
USA2GEORGIA მომხმარებლის წინაშე სრულ პასუხისმგებლობას იღებს და გამოწვევას უპრეცედენტო ლოიალობით პასუხობს