მედია - აშშ მზადაა, უკრაინას Abrams-ის ტანკები გადასცეს

შეერთებული შტატები მზად არის დაიწყოს პროცესი, რომელიც უკრაინისთვის M1 Abrams-ის ტანკების გაგზავნას ითვალისწინებს, - ამის შესახებ ინფორმაციას ამერიკული მედია ავრცელებს.

Associated Press-ის ცნობით, ოფიციალური განცხადება იმასთან დაკავშირებით, რომ აშშ უკრაინაში 30-ზე მეტ ტანკს გაგზავნის, სავარაუდოდ, ოთხშაბათს გაკეთდება.

მანამდე, გერმანულმა მედიამ გაავრცელა ინფორმაცია, რომ გერმანია უკრაინას Leopard 2 ტანკებს გადასცემს.

უკრაინის პრეზიდენტმა, ვოლოდიმირ ზელენსკიმ ტრადიციულ მიმართვაში განაცხადა, რომ რუსეთი აგრესიის ახალი ტალღისთვის ემზადება და რომ მან დაინახა ბევრი ძალისხმევა, სიტყვები და დაპირებები ტანკებთან დაკავშირებით, მაგრამ მნიშვნელოვანია რეალობის დანახვა.

„ეს არ ეხება 5, 10, ან 15 ტანკს. საჭიროება უფრო დიდია. ჩვენ ყოველდღიურად ვაკეთებთ ყველაფერს, რაც საჭიროა დეფიციტის შესავსებად და მადლობელი ვარ ყველასი, ვინც ამაში გვერდში გვიდგას. თუმცა, დისკუსიები გადაწყვეტილებებით უნდა დასრულდეს. ტერორისტების წინააღმდეგ ჩვენი თავდაცვის რეალური გაძლიერების შესახებ გადაწყვეტილებებით. მოკავშირეებს აქვთ ტანკების საჭირო რაოდენობა“, - აღნიშნა ზელენსკიმ.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს