ნორვეგიის მთავრობა განიხილავს გაუგზავნოს თუ არა უკრაინას მის საკუთრებაში არსებული გერმანული წარმოების Leopard 2-ის რამდენიმე ტანკი. ამის შესახებ ნორვეგიული გაზეთები Aftenposten და Dagens Naeringsliv იუწყებიან.
ადგილობრივი მედიის ცნობით, რუსეთის მოსაზღვრე ნორვეგია ნატო-ს წევრი სახელმწიფოა, რომელსაც Leopard 2-ის 36 ტანკი აქვს და უკრაინას შესაძლოა, ოთხი ან რვა აღნიშნული სახეობის საბრძოლო ტანკი გადასცეს.
მედია საკუთარ ანონიმურ წყაროებზე დაყრდნობით იტყობინება, რომ აღნიშნული შეიარაღების გაგზავნაზე გადაწყვეტილება ჯერ არ მიუღიათ.