ოფიციალური მადრიდი შეუერთდება Leopard 2-ის ტანკების კიევისთვის მიწოდებას, მას შემდეგ, რაც გერმანია, რამდენიმეთვიანი წინააღმდეგობის შემდეგ, უკრაინის არმიისთვის გერმანული წარმოების საბრძოლო ტანკების მიწოდებას დათანხმდება. ამის შესახებ ინფორმაციას ესპანური გამოცემა El País აქვეყნებს.

შეგახსენებთ, რომ პოლონეთმა მზადყოფნა გამოთქვა, უკრაინას Leopard 2-ის 14-მდე ტანკი გაუგზავნოს. ამასთან, ნორვეგია განიხილავს გაუგზავნოს თუ არა მის საკუთრებაში არსებული რამდენიმე „ლეოპარდის“ ტანკი უკრაინას.

გარდა ამისა, ფინეთმა განაცხადა, რომ მცირე რაოდენობის Leopard 2-ის ტანკებს უკრაინას გადასცემს თუ ევროპული ქვეყნების უფრო ფართო ჯგუფიც ამის გაკეთებას გადაწყვეტს.