ანა მალიარი - მტერი ზეწოლას აძლიერებს ბახმუტისა და უგლედარის მიმართულებებზე - განიცდის მნიშვნელოვან დანაკარგს, მაგრამ საკუთარ გეგმებზე უარს არ ამბობს

მტერი ზეწოლას აძლიერებს ბახმუტისა და უგლედარის მიმართულებებზე, - ამის შესახებ უკრაინის თავდაცვის მინისტრის მოადგილე ანა მალიარი “ტელეგრამის” პირად გვერდზე წერს.

მისი თქმით, მტერი ცდილობს დაცვის გარღვევას.

“გრძელდება მძიმე ბრძოლები. მტერი ბრძოლაში ისვრის პირადი შემადგენლობის, შეიარაღებისა და სამხედრო ტექნიკის მნიშვნელოვან რაოდენობას, ცდილობს ჩვენი დაცვის გარღვევას, განიცდის მნიშვნელოვან დანაკარგს, მაგრამ საკუთარ გეგმებზე უარს არ ამბობს. ბრძოლების ინტენსიურობა იზრდება. ახლა დონბასში მათი მებრძოლებისა და შეიარაღების რაოდენობაში უპირატესობის წინააღმდეგ ჩვენი სამხედრო ხელმძღვანელობის პროფესინალიზმსა და მებრძოლების სიმამაცეში უპირატესობაა”, - წერს მალიარი.