სალომე სამადაშვილი - ბიძინა ივანიშვილს კარგად ესმის, რომ ადრე თუ გვიან მოუწევს იმ ძალიან მძიმე შეკითხვებზე პასუხების გაცემა, რომელიც დღეს დასავლეთშია დაგროვილი მის პოლიტიკასთან დაკავშირებით

ბიძინა ივანიშვილს კარგად ესმის, რომ ადრე თუ გვიან მოუწევს იმ ძალიან მძიმე შეკითხვებზე პასუხების გაცემა, რომელიც დღეს დასავლეთშია დაგროვილი მის პოლიტიკასთან დაკავშირებით, - ამის შესახებ "ლელოს" წევრმა, სალომე სამადაშვილმა განაცხადა, რითაც შეაფასა CS Victims-ის სტატია, სადაც ნათქვამია, რომ საქართველოს ყოფილი პრემიერ-მინისტრი ბიძინა ივანიშვილი Credit Suisse-თან სამართლებრივ დავაში პოლიტიკურ ზეწოლას ადასტურებს.

„მიმაჩნია, რომ ბიძინა ივანიშვილს ძალიან კარგად ესმის, რომ ადრე თუ გვიან მას მოუწევს იმ ძალიან მძიმე შეკითხვებზე პასუხების გაცემა, რომელიც დღეს არის დასავლეთში დაგროვილი მის პოლიტიკასთან დაკავშირებით, ამიტომ, ვფიქრობ, რომ დღეს ის ამ ყველაფერზე ძალიან ხმამაღლა საუბრობს იმისთვის, რომ მომავლისთვის მოემზადოს“, - განაცხადა სამადაშვილმა.

მან ასევე უკრაინის საგარეო საქმეთა სამინისტროში უკრაინაში საქართველოს ელჩის ვიზიტი შეაფასა.

„უკვე დიდი ხანია, არა მხოლოდ უკრაინული მხარე, არამედ, ჩვენი დასავლელი მეგობრები მოუწოდებენ საქართველოს ხელისუფლებას, რომ საკუთარი პოლიტიკის დასავლეთის პოლიტიკასთან სინქრონიზაცია მოახდინოს, მათ შორის, სანქციებთან დაკავშირებით. განსაკუთრებით ეს არის მნიშვნელოვანი, თუ მართლაც ვინმეს აქვს სურვილი "ქართულ ოცნებაში", რომ ევროკავშირში გაწევრიანებაზე ჩვენმა განაცხადმა რამე წარმატებას მიღწიოს. „ქართული ოცნება" იმის ნაცვლად, რომ ამ რჩევებს ითვალისწინებდეს, როდესაც რუსეთთან ფრენების აღდგენის შესაძლებლობას მიესალმება, ამით პირდაპირ საწინააღმდეგო მიმართულებით მოძრაობს და სწორედ ამიტომ ჩათვალა უკრაინულმა მხარემ აუცილებლად, რომ საგანგებოდ ხაზი გაესვა საკუთარი შეშფოთებისთვის ამ საკითხთან დაკავშირებით და დაებარებინა საქართველოს დიპლომატიური წარმომადგენელი შესაბამისი გზავნილის მისაღებად“, - განაცხადა სალომე სამადაშვილმა.

შეგახსენებთ, სტატიაში, რომელსაც CS Victims ავრცელებს ნათქვამია, რომ საქართველოს ყოფილი პრემიერ-მინისტრი ბიძინა ივანიშვილი ადასტურებს პოლიტიკურ ზეწოლას Credit Suisse-თან სამართლებრივ დავაში. როგორც სტატიაშია აღნიშნული, „ბიძინა ივანიშვილის საქმე, რომელიც შვიდ წელზე მეტია ჩართულია Credit Suisse-ისა და მისი შვილობილი კომპანიების წინააღმდეგ მიმდინარე სამართლებრივ დავებში, ფართოდ გაშუქდა მედიის მიერ, მათ შორის, შვეიცარიაშიც, სადაც კლიენტებთან ურთიერთობების მსჯავრდებული მენეჯერის მიერ ჩადენილი იქნა თაღლითობა და არასწორი მენეჯმენტი“.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს