ჯერ ტანკები იქნება, მერე ბირთვული რაკეტები , - ასე გამოეხმაურა აშშ-ის ყოფილი პრეზიდენტი დონალდ ტრამპი უკრაინისთვის დასავლური წარმოების ტანკების გადაცემას.

“ჯერ ტანკები იქნება, მერე ბირთვული რაკეტები. დაასრულეთ ეს გიჟური ომი, ახლა. ეს ხომ ასე მარტივი გასაკეთებელია!” - წერს ტრამპი საკუთარ სოციალურ ქსელში Truth Social.

აშშ-ის ყოფილმა პრეზიდენტმა არ დააკონკრეტა როგორ შეიძლება უკრაინაში მიმდინარე ომის სწრაფად და მარტივად დასრულება.