სამხედრო და საფინანსო დახმარების კონტროლისთვის უკრაინაში ამერიკელი აუდიტორები ჩავიდნენ

სამხედრო და საფინანსო დახმარების კონტროლისთვის უკრაინაში ამერიკელი აუდიტორები ჩავიდნენ. ამის შესახებ აშშ-ის სახელმწიფო მდივნის მოადგილემ ვიქტორია ნულანდმა სენატში განაცხადა.

“ადმინისტრაცია მომავალშიც კონცენტრირებულია იმაზე, რომ არ დაუშვას დახმარებისა და იარაღის არამიზნობრივი გამოყენება. ჩვენ ვთანამშრომლობთ მსოფლიო ბანკთან, [საკონსულტაციო კომპანია] Deloitte-თან და აშშ-ის სამთავრობო აუდიტორების ჯგუფთან, რომლებიც ამ კვირის განმავლობაში კიევში იმყოფებიან”, - თქვა ნულანდმა.

სახელმწიფო დეპარტამენტის წარმომადგენელმა აღნიშნა უკრაინის კორუფციასთან ბრძოლაში ბოლო მიღწევები.

“უკრაინამ არა მხოლოდ უნდა გადაიტანოს ეს ომი, ის უფრო ძლიერი, “სუფთა”, დემოკრატიული, უფრო ევროპული უნდა გამოვიდეს იქიდან. სწორედ ამისთვის იბრძვიან უკრაინელი პატრიოტები. ეს ასევე არის საკვანძო დახმარებაში, რომელსაც შეერთებული შტატები და ჩვენი პარტნიორები აწვდიან. პრეზიდენტ ზელენსკის გადაწყვეტილება კორუფციაში ეჭვმიტანილი ჩინოსნები გაათავისუფლოს და მათი გადადგომები მიიღოს, ამ საკითხში უკრაინის სიმტკიცის ძლიერი სიგნალია”, - აღნიშნა ნულანდმა.

ცნობისთვის, აშშ-ის წარმომადგენელთა პალატაში უმრავლესობის მქონე რესპუბლიკელები აქტიურად ლობირებენ უკრაინისადმი გაწეულ სამხედრო და საფინანსო დახმარებაზე კონტროლის გაძლიერების იდეას. აშშ-ის თავდაცვის დეპარტამენტსა და სახელმწიფო დეპარტამენტს აღნიშნული აქვთ, რომ უკრაინაში გაწეული დახმარების არამიზნობრივად გამოყენების შემთხვევები არ ყოფილა დაფიქსირებული.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს