რუსების მიერ კონსტანტინოვკას დაბომბვის შედეგად 3 ადამიანი გარდაიცვალა, 14 დაიჭრა. ინფორმაციას ამის შესახებ დონეცკის ოლქის გუბერნატორი პაველ კირილენკო „ფეისბუქის“ პირად გვერდზე ავრცელებს.
კირილენკოს თქმით, თავდაპირველად ცნობილი იყო 3 გარდაცვლილისა და 2 დაშავებულის შესახებ, თუმცა მოგვიანებით დაშავებულთა რიცხვი 14-მდე გაიზარდა.
გუბერნატორმა დონეცკის ოლქის მცხოვრებლებს ევაკუაციისკენ კიდევ ერთხელ მოუწოდა.
„კონსტანტინოვკა - ფრონტის ხაზს შედარებით მოშორებული ქალაქია, მაგრამ მაინც მუდამ ხდება მტრის დარტყმების სამიზნე. ყველა, ვინც დღემდე რჩება ქალაქში, საკუთარ თავს სასიკვდილო რისკის ქვეშ აყენებს - რუსები სამოქალაქოებს ურტყამენ, ვინაიდან უკრაინულ არმიასთან ბრძოლა არ შეუძლიათ“, - წერს კირილენკო.