ბათუმში ცხოველთა უფლებადამცველებმა აქცია გამართეს

„არავის აქვს უფლება სიცოცხლე მოუსწრაფოს მიუსაფარ ცხოველებს“ - ამ ლოზუნგით ბათუმში პროკურატურასთან მოქალაქეებმა და ცხოველთა უფლებადამცველებმა აქცია გამართეს.

მათ მიუსაფარი ცხოველების ფოტოები გამოფინეს.

შეკრებილებმა, ბათუმში რამდენიმე დღის წინ, მიუსაფარი ძაღლის მოკვლის ფაქტიც გაიხსენეს და დამნაშავის უმკაცრესად დასჯა მოითხოვეს.

ამასთან აქციის მონაწილეებმა, ბათუმის მერიას მიმართეს, როგორც ისინი აცხადებენ, მიუსაფარი ცხოველებისთვის დროულად უნდა აშენდეს ახალი თავშესაფარი.

“აქციაზე ჩვენს ერთგულ მეგობრებთან, ძაღლებთან ერთად მოვედით. აუცილებელია, მიუსაფარ ცხოველებთან დაკავშირებით კანონი გამკაცრდეს, საპროტესტო აქციებს კვლავ გავმართავთ”, - განაცხადეს შეკრებილებმა.