უკრაინის პრეზიდენტის, ვოლოდიმირ ზელენსკის განცხადებით, რუსეთს ომის გახანგრძლივების იმედი აქვს. "რუსეთს ომის გაჭიანურების, ჩვენი ძალების ამოწურვის იმედი აქვს. ასე რომ, დრო უნდა გამოვიყენოთ ჩვენს იარაღად. უნდა დავაჩქაროთ მოვლენები, დავაჩქაროთ მიწოდება და უკრაინისთვის საჭირო შეიარაღების ახალი ვარიანტების გახსნა", - აღნიშნა ზელენსკიმ.
მისი თქმით, გასულ კვირაში უკრაინამ აშშ-სთან, გერმანიასთან, პოლონეთთან, კანადასთან, ბელგიასთან, ნორვეგიასთან, იტალიასთან და სხვა ქვეყნებთან ურთიერთობაში თავდაცვის საკითხზე მნიშვნელოვან შედეგებს მიაღწია.
„მომდევნო კვირა არანაკლებ ძლიერი უნდა გავხადოთ ჩვენი თავდაცვისთვის“, - აღნიშნა ზელენსკიმ.