ამ ომში განმსაზღვრელი პლატფორმა არის ყირიმი, უკრაინის მთავრობას ესმის, რომ არ შეუძლია დათანხმდეს რუსეთის მიერ ყირიმზე კონტროლის შენარჩუნებას, - ამის შესახებ ევროპაში აშშ-ის სახმელეთო ძალების ყოფილმა მეთაურმა, გადამდგარმა გენერალ-ლეიტენანტმა, ბენ ჰოჯესმა განაცხადა.

მისი თქმით, უკრაინა არასდროს იქნება უსაფრთხო, სანამ რუსეთი ყირიმზე კონტროლს შეინარჩუნებს.

„მომდევნო რამდენიმე თვეში უკრაინა შექმნის პირობებს ყირიმის საბოლოო გათავისუფლებისთვის. ქვეყანა არასდროს იქნება უსაფრთხო და ვერ შეძლებს თავისი ეკონომიკის აღდგენას მანამ, სანამ რუსეთი ყირიმს შეინარჩუნებს“, - აღნიშნა ბენ ჰოჯესმა.

მისი თქმით, უკრაინისთვის ტანკებით მიწოდება ძალიან მნიშვნელოვანია, მაგრამ ეს არის მხოლოდ ნაწილი იმ საერთო ძალისხმევისა, რომელიც საჭიროა უკრაინის გასამარჯვებლად, რუსული ძალების დასამარცხებლად და იმისთვის, რომ რუსულმა ძალებმა ყირიმი დატოვონ.

ამასთან, ბენ ჰოჯესმა ხაზი გაუსვა, რომ რუსეთის ყირიმიდან გასადევნად უკრაინას შორ მანძილზე მოქმედი ზუსტი დარტყმის იარაღი დასჭირდება, როგორიცაა ATACMS-ის რაკეტები.