ენტონი ბლინკენი - რუსეთის სისასტიკეები მხოლოდ ხაზს უსვამს უკრაინისთვის დახმარების მნიშვნელობას - იგი მამაცად იცავს თავის მცხოვრებლებს და არსებობის უფლებას

აშშ-ს სახელმწიფო მდივანმა ენტონი ბლინკენმა ისრაელის ხელისუფლებასთან უკრაინისთვის არა მხოლოდ ჰუმანიტარული, არამედ სამხედრო დახმარების მიწოდებაც განიხილა. ამის შესახებ ბლინკენმა იერუსალიმში გამართულ პრესკონფერენციაზე განაცხადა.

ისრაელში ვიზიტის დროს ბლინკენი ქვეყნის პრემიერ-მინისტრს ბენიამინ ნეთანიაჰუს, პრეზიდენტს იცხაკ ჰერცოგს, საგარეო საქმეთა მინისტრს ელი კოენსა და ოპოზიციის ლიდერს იაირ ლაპიდს შეხვდა.

მათთან საუბარში მან უკრაინის დახმარების მნიშვნელობის საკითხიც წამოაყენა.

“რუსეთის მხრიდან მიმდინარე სისასტიკეები მხოლოდ ხაზს უსვამს უკრაინისთვის ყველა საჭიროების დამაკმაყოფილებელი დახმარების მნიშვნელობას - ჰუმანიტარული, ეკონომიკური და უსაფრთხოების - რადგან იგი მამაცად იცავს თავის მცხოვრებლებს და თავისი არსებობის უფლებას, თემას, რომელზეც დღესაც ვისაუბრეთ”, - თქვა ბლინკენმა.

ამავდროულად, ბლინკენის თქმით, ისრაელში მან რუსეთისა და ირანის თანამშრომლობის თემაზეც ისაუბრა.

ცნობისთვის, ისრაელის ხელისუფლებას არაერთხელ უთქვამს, რომ უკრაინის თხოვნის მიუხედავად, იგი არ აპირებს კიევისთვის იარაღის მიწოდებას, მათ შორის საჰაერო თავდაცვის. უკრაინისადმი ისრაელის მხარდაჭერა ჰუმანიტარული დახმარებით, თავდაცვითი აღჭურვილობისა და “სიცოცხლის გადასარჩენად საჭირო საშუალებების მიწოდებებით” შემოიფარგლება.

ირაკლი მელაშვილი - ხელისუფლებასა და ოპოზიციას შორის რაიმე იდეოლოგიური კომპრომისის ადგილი ფაქტობრივად აღარ არსებობს, არჩევანია ან აქეთ - ევროპისკენ, ან იქით - რუსეთისკენ
ქართული პრესის მიმოხილვა 18.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო
გაზმომარაგების უმსხვილესმა კომპანია, „თბილისი ენერჯიმ“ BDO Digital-თან პარტნიორობით კიბერ და ინფორმაციული უსაფრთხოების საერთაშორისო სტანდარტი, ISO/IEC 27001:2022 დანერგა
საქართველოს უნივერსიტეტის ჯანმრთელობის მეცნიერებების სკოლა
ახალი „ლენდ კრუიზერ პრადო“ - ლეგენდის თანამედროვე გაგრძელება
20 ივლისიდან სილქნეტი ოპტიკური ინტერნეტის სიჩქარეებს გაზრდის