შინაგან საქმეთა მინისტრი არაბთა გაერთიანებული საამიროების ელჩს შეხვდა
შინაგან საქმეთა მინისტრი ვახტანგ გომელაური საქართველოში არაბთა გაერთიანებული საამიროების ახლად დანიშნულ ელჩს შეხვდა.
შინაგან საქმეთა სამინისტროს მიერ გავრცელებული ინფორმაციით, მინისტრმა არაბთა გაერთიანებული საამიროების ელჩს თანამდებობაზე დანიშვნა მიულოცა და სამომავლო საქმიანობაში წარმატება უსურვა.
„შეხვედრაზე მხარეებმა ხაზი გაუსვეს საქართველოსა და არაბთა გაერთიანებულ საამიროებს შორის არსებული მჭიდრო და მეგობრული ურთიერთობების მნიშვნელობას და სამომავლო თანამშრომლობის პერსპექტივები განიხილეს. ვახტანგ გომელაურმა ისაუბრა მხარეთა შორის საპოლიციო სფეროში თანამშრომლობის შესახებ გაფორმებული ურთიერთგაგების მემორანდუმის მნიშვნელობაზე და აღნიშნა, რომ ხსენებული დოკუმენტი ხელს უწყობს ორ ქვეყანას შორის სამართალდაცვით სფეროში სტრატეგიული და ოპერატიული მიმართულებებით ურთიერთობის გაძლიერებას. შეხვედრის დასასრულს, მხარეებმა იმედი გამოთქვეს, რომ ორ ქვეყანას შორის არსებული თანამშრომლობა ერთობლივი ძალისხმევით კიდევ უფრო გაღრმავდება“, - აღნიშნულია გავრცელებულ ინფორმაციაში.
