რუსული ტერორიზმის შეჩერების ერთადერთი გზა მისი დამარცხებაა ტანკებით, მოიერიშე თვითმფრინავებით, შორ მანძილზე მოქმედი რაკეტებით, - ასე ეხმაურება უკრაინის პრეზიდენტი, ვოლოდიმირ ზელენსკი ოლქის ქალაქ კრამატორსკზე რუსული ძალების მიერ განხორციელებულ სარაკეტო თავდასხმას.

„კრამატორსკი. რუსმა ტერორისტებმა ქალაქს ბალისტიკური რაკეტით დაარტყეს, რის შედეგადაც მშვიდობიანი მოსახლეობა დაიღუპა. ზოგიერთი ადამიანი კვლავ ნანგრევების ქვეშ იმყოფება. მათ ტერორის გარდა სხვა მიზანი არ აქვთ. რუსული ტერორიზმის შეჩერების ერთადერთი გზა მისი დამარცხებაა ტანკებით. მოიერიშე თვითმფრინავებით, შორ მანძილზე მოქმედი რაკეტებით“, - აცხადებს ზელენსკი.

შეგახსენებთ, რუსულმა ძალებმა წუხელ დონეცკის ოლქის ქალაქ კრამატორსკზე სარაკეტო დარტყმა განახორციელეს, რის შედეგადაც მინიმუმ 3 ადამიანი დაიღუპა, 20 კი - დაშავდა.