მიხეილ დაუშვილი - თუ რუსეთთან ფრენები აღდგება, ამით ცივილიზებული სამყაროს წინააღმდეგ წავალთ

თუ რუსეთთან ფრენები აღდგება, ამით ცივილიზებული სამყაროს წინააღმდეგ წავალთ, - ამის შესახებ ჟურნალისტებთან პარტია „საქართველოსთვის“ წევრმა, დეპუტატმა მიხეილ დაუშვილმა განაცხადა, რითაც სახელმწიფო დეპარტამენტის განცხადებას გამოეხმაურა.

დაუშვილის თქმით, სახელმწიფო დეპარტამენტის განცხადება კიდევ ერთი შეხსენებაა იმის, რომ რუსეთთან ურთიერთობის დათბობა დაუშვებელია.

„მთელი ცივილიზებული სამყაროს მთავარი ამოცანაა, რომ რუსეთი უნდა დამარცხდეს და თუ ფრენები აღდგება, გამოვა, რომ ამით მათ წინააღმდეგ წავალთ მაშინ, როცა რუსეთი ყველგან დასანქცირებულია. სახელმწიფო დეპარტამენტმა პირდაპირ მოგვიწოდა, რომ თუ დღეს რაიმე არ შეიძლება, რუსეთთან ურთიერთობის დათბობაა. როცა რეგიონში ის გეოპოლიტიკური საფრთხეები არსებობს, რომელიც დაკავშირებულია უკრაინის ომთან, დაუშვებელია პირდაპირი ფრენების აღდგენა”, - განაცხადა დაუშვილმა.

მისივე თქმით, სწორედ ამ გამოწვევების საწინააღმდეგოდ დაარეგისტრირეს პროექტი, რომლის ერთ-ერთი მთავარი მოთხოვნაა, რომ რუსეთთან პირდაპირი ავიარეისები არ აღდგეს მანამ, ვიდრე რეგიონში საფრთხეები არსებობს.

ინფორმაციისთვის, ამერიკის შეერთებული შტატების სახელმწიფო დეპარტამენტის განცხადებით, საქართველოსა და რუსეთს შორის ფრენების აღდგენა სანქციების საფრთხეს შეუქმნის კომპანიებს, რომლებიც საქართველოს აეროპორტებში რუსულ კომპანიებს მოემსახურება.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია