ბორის ჯონსონი - როცა უკრაინა გაიმარჯვებს და პუტინი უკან დაიხევს, მოვხსნით შემდგომი აგრესიის საფრთხეს საქართველოში, მოლდოვაში, ბალტიისპირეთის ქვეყნებში, აღმოსავლეთ ევროპაში - დავასრულებთ საბედისწერო გაურკვევლობას

დიდი ბრიტანეთის ყოფილმა პრემიერ-მინისტრმა ბორის ჯონსონმა განაცხადა, რომ რუსეთთან ომში უკრაინის გამარჯვების შემდეგ, ევროპაში უსაფრთხოების ახალი არქიტექტურა შეიქმნება.

აშშ-ის ატლანტიკურ საბჭოში გამოსვლისას ჯონსონმა აღნიშნა, რომ უკრაინის გამარჯვებით რუსეთის შემდგომი აგრესიის საფრთხე მოიხსნება მთელს აღმოსავლეთ ევროპაში, მათ შორის საქართველოში.

„როდესაც უკრაინა გაიმარჯვებს და ისინი გაიმარჯვებენ, როცა პუტინი უკან დაიხევს, ჩვენ მოვხსნით რუსეთის შემდგომი აგრესიის საფრთხეს საქართველოში, მოლდოვაში, ბალტიისპირეთის ქვეყნებში, მთელ აღმოსავლეთ ევროპაში. როდესაც უკრაინა გაიმარჯვებს, ჩვენ დავამყარებთ სიცხადეს და დავამყარებთ ახალ სტაბილურობას ევროპის უსაფრთხოების არქიტექტურაში და დავასრულებთ საბედისწერო გაურკვევლობას, რომელმაც საბოლოოდ მიიყვანა პუტინი მის დამღუპველ შეცდომამდე“ , - განაცხადა ჯონსონმა.

ჯონსონის თქმით, თუ მოკავშირეები შეძლებენ უკრაინა შეაიარაღონ იმით, რაც მას ომის სწრაფად მოსაგებად სჭირდება, ისინი გადაარჩენენ უამრავ სიცოცხლეს.

თუ კიევს არ დაეხმარებიან „გადამწყვეტი გამარჯვების მიღწევაში“, ეს იქნება იმის გარანტია, რომ პუტინი დარჩება საფრთხედ ყველა ზემოაღნიშნული ქვეყნისა და რეგიონისთვის.

ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
გიორგი გობრონიძე - ხელისუფლება საზოგადოებასთან ბოლომდე გულწრფელი არ არის
ქართული პრესის მიმოხილვა 22.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო