საფრანგეთი და იტალია უკრაინას MAMBA-ს საჰაერო თავდაცვის სისტემებს გაზაფხულზე მიაწვდიან, - ამის შესახებ საფრანგეთის თავდაცვის მინისტრმა, სებატიენ ლეკორნუმ განაცხადა.
„იტალიის თავდაცვის მინისტრთან გვიდო კროზეტოსთან ერთად გადავწყვიტეთ, რომ 2023 წლის გაზაფხულზე უკრაინას SAMP/T-MAMBA საჰაერო თავდაცვის სისტემები მივაწოდოთ. ეს სისტემა დაიცავს სამოქალაქო მოსახლეობას და ინფრასტრუქტურას რუსეთის მხრიდან თავდასხმებისგან, როგორც ამას ოლექსი რეზნიკოვი ითხოვდა“, - წერს საფრანგეთის თავდაცვის უწყების ხელმძღვანელი „ტვიტერზე“.
SAMP/T-MAMBA საჰაერო თავდაცვის სისტემები ფრანგულმა და იტალიურმა კონსორციუმებმა ერთობლივად შექმნეს. აღსანიშნავია, რომ ის ერთადერთი ევროპული წარმოების სისტემაა, რომელსაც ბალისტიკური რაკეტების მოგერიება შეუძლია.