გერმანიის უშიშროების ფედერალურმა საბჭომ უკრაინისთვის 178 Leopard 1 ტანკის მიწოდების საკითხი დაამტკიცა, რომელთა გადაცემა სამრეწველო მარაგებიდან მოხდება. ამის შესახებ გერმანული მედია იუწყება.

პირველი ტანკები უკრაინას ზაფხულში უნდა მიეწოდოს, მაგრამ მათი უმეტესობა უკრაინაში მომავალ წლამდე ვერ მოხვდება. გადაწყვეტილებას გერმანიის მთავრობა ოფიციალურად სამშაბათს საღამოს გამოაცხადებს.

გასულ კვირას გერმანიის მთავრობამ Leopard 1-ის ტანკების უკრაინაში ექსპორტის ლიცენზია გასცა.

Leopard 1 არის პირველი მთავარი საბრძოლო ტანკი, რომელიც გერმანული არმიისთვის მეორე მსოფლიო ომის შემდეგ აეწყო. ის იწარმოებოდა 1960-იანი წლების შუა პერიოდიდან 1980-იანი წლების შუა ხანებამდე. ბერლინის მიერ ადრე დაპირებული 14 Leopard 2 -ის ტანკი ბევრად უფრო თანამედროვეა.

გერმანული მედია ადრე იტყობინებოდა, რომ გერმანელ მწარმოებლებს აქვთ Leopard 2-ის წინამორბედი, 29 კარგად განახლებული მოდელი.