ნინო ბურჯანაძე - ყველას ბრალია ყველაფერი, გარდა სალომე ზურაბიშვილისა? მე რა შუაში ვარო, შუაში კი არა, თავშია: ხელისუფლება ვერ გათამამდებოდა, პრეზიდენტი თავის ადგილზე რომ ყოფილიყო - ერთი სიტყვა თვითკრიტიკულიც ეთქვა

ყველამ თავის პასუხისმგებლობაზე უნდა ისაუბროს და ცუდი არ იქნებოდა, პრეზიდენტს ერთი სიტყვა თვითკრიტიკულიც ეთქვა, - ამის შესახებ „ერთიანი საქართველოს“ ლიდერმა, ნინო ბურჯანაძემ „პალიტრანიუსის“ გადაცემა „პოლიტიკური სივრცეში“ განაცხადა, რომლითაც საქართველოს პრეზიდენტის, სალომე ზურაბიშვილის განცხადებას გამოეხმაურა.

ნინო ბურჯანაძის განცხადებით, პრეზიდენტი რომ თავის ადგილზე ყოფილიყო, ხელისუფლება ასე ვერ გათამამდებოდა.

„ძალიან უცნაურად გამოიყურება ქალბატონი სალომეს განცხადება. ყველას ბრალია ყველაფერი, გარდა პრეზიდენტისა? მე რა შუაში ვარო, შუაში კი არა თავშია. არ ვგულისხმობ მხოლოდ სააკაშვილთან დაკავშირებულ პროცესს. პრეზიდენტი რომ თავის ადგილზე ყოფილიყო, რომ შეესრულებინა ის მინიმალური ფუნქციებიც კი, რომელიც მას ჰქონდა და აქვს მინიჭებული კონსტიტუციით, დღეს ქვეყანაში სრულიად სხვა ვითარება იქნებოდა. დაწყებული სასამართლოების შესახებ კანონზე ვეტოთი, რომელიც ძალიან სერიოზული განაცხადა იქნებოდა პრეზიდენტის მხრიდან. არ აქვს მნიშვნელობა ვეტოს გადალახავდნენ თუ არა. ხელისუფლება ასე ვერ გათამამდებოდა პრეზიდენტი რომ თავის ადგილზე ყოფილიყო.

მე შემიძლია დავეთანხმო პრეზიდენტს, რომ ბრალეულობის გარკვეული წილი ოპოზიციასაც აქვს, ხელისუფლებაზე აღარ ვლაპარაკობ, გასაგებია ხელისუფლებასთან დაკავშირებული პოზიცია, რა თქმა უნდა, ოპოზიციის ბრალიცაა იმაში, რომ დღეს ქვეყანა ამ დღეშია. ოპოზიციის არათანმიმდევრულობა, ის რომ გაერთიანება ვერ შეძლო, როცა ყველაზე ძლიერი იყო, დაქსაქსულობის დაწყება საპარლამენტო მანდატების გამო, მაგრამ ყველამ თავის პასუხისმგებლობაზე უნდა ისაუბროს და ცუდი არ იქნებოდა, ერთი სიტყვა თვითკრიტიკულიც ეთქვა ამ ვითარებასთან დაკავშირებით“, - განაცხადა ნინო ბურჯანაძემ.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია