სახელმწიფო უსაფრთხოების სამსახურის უფროსმა გრიგოლ ლილუაშვილმა ლატვიის რესპუბლიკის საგანგებო და სრულუფლებიან ელჩთან, ენდიტე მედნესთან, გაცნობითი ხასიათის შეხვედრა გამართა.

სახელმწიფო უსაფრთხოების სამსახურის მიერ გავრცელებული ინფორმაციით, შეხვედრაზე მხარეებმა საქართველოსა და რეგიონში არსებული უსაფრთხოების გარემო განიხილეს და ხაზი გაუსვეს ლატვიის რესპუბლიკასა და საქართველოს შორის უსაფრთხოების სფეროში მტკიცე სტრატეგიული პარტნიორობის მნიშვნელობას, იმსჯელეს ამ მიმართულებით არსებული თანამშრომლობის გაღრმავების შესაძლებლობებზე.

გრიგოლ ლილუაშვილმა ენდიტე მედნეს საქართველოში ნაყოფიერი და წარმატებული დიპლომატიური საქმიანობა უსურვა.