რიში სუნაკი - უკრაინელები Challenger 2 ტანკებს უკვე შემდეგ თვეში გამოიყენებენ - არ შეიძლება დავუშვათ, რომ უკრაინა კვლავ გახდეს მოწყვლადი სამიზნე ახალი აგრესიისთვის

ბრიტანული Challenger 2 ტანკები უკრაინას უკვე მარტში გადაეცემა. ამის შესახებ დიდი ბრიტანეთის პრემიერ-მინისტრმა რიში სუნაკმა უკრაინის პრეზიდენტთან ვოლოდიმირ ზელენსკისთან ერთად გამართულ ბრიფინგზე განაცხადა, მას შემდეგ, რაც ისინი დიდ ბრიტანეთში უკრაინელ სამხედროებს შეხვდნენ, რომლებიც მომზადებას გადიან.

“უკრაინელი ეკიპაჟები, რომლებიც წინა კვირას სწავლებებზე ჩამოვიდნენ, Challenger 2 ტანკებს უკრაინის სუვერენული ტერიტორიის დასაცავად უკვე შემდეგ თვეში გამოიყენებენ. და ჩვენ დღეს მომზადების პროგრამის გაფართოებაზე შევთანხმდით, რომელიც უკვე 10 ათასმა უკრაინელმა სამხედრომ გაიარა, რომ იგი საზღვაო ქვეითებსა და გამანადგურებლების პილოტებზე გავრცელდეს”, - აღნიშნა სუნაკმა.

მან განაცხადა, რომ დიდი ბრიტანეთი ძალისხმევას მიმართავს, რათა დასავლური იარაღი უკრაინას უახლოეს კვირებში გადაეცეს და არა თვეებისა და წლების შემდეგ.

“უკრაინა მოკლევადიან პერსპექტივაში უნდა შევაიარაღოთ, და ასევე გრძელვადიანი პერსპექტივისთვის უნდა გავაძლიეროთ. არ შეიძლება დავუშვათ, რომ უკრაინა კვლავ გახდეს მოწყვლადი სამიზნე ახალი აგრესიისთვის”, - თქვა სუნაკმა.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია