უკრაინისთვის საბრძოლო თვითმფრინავების გადაცემის შესახებ გადაწყვეტილება შემდეგი რამდენიმე კვირის განმავლობაში იქნება მიღებული. ამის შესახებ უკრაინის პრეზიდენტის ადმინისტრაციის ხელმძღვანელის მრჩეველმა მიხაილო პოდოლიაკმა განაცხადა.

მისი თქმით, უკრაინას გამანაგრურებლები, დამრტყმელი ავიაცია და ვერტმფრენები სჭირდება.

“ავიაცია ერთ-ერთი საკვანძო ელემენტია. დღეს ერთადერთი ინსტრუმენტი დარჩა, რომელიც ჯერ კიდევ არ გვაქვს, რომელიც ძალიან არის საჭირო, რათა ცა ბოლომდე დავკეტოთ, უპირველეს ყოვილსა ეს გამანადგურებლებია. და გვჭირდება დამრტყმელი ავიაცია და ვერტმფრენები, ისეთები, როგორიც Apache, რათა დავიცვათ ჩვენი საშტურმო ბრიგადები”, - თქვა პოდოლიაკმა.

მისი თქმით, იგი დარწმუნებულია, რომ უკრაინისთვის საბრძოლო თვითმფრინავებზე დადებითი გადაწყვეტილება უახლოეს კვირებში იქნება მიღებული.

"მე წარმომიდგენია, რომ ეს უკვე სრულიად აქტიური შესაძლებლობაა მოლაპარაკების მაგიდასთან. და პრეზიდენტი უკვე საუბრობს ამაზე სხვადასხვა დონეებზე, როგორც საჯაროდ, ისე არასაჯაროდ. ვფიქრობ, რომ ვადა - კვირებია”, - აღნიშნა პოდოლიაკმა.