პორტუგალიის პრემიერ-მინისტრის, ანტონიო კოსტას განცხადებით, მისი ქვეყანა უკრაინას მომავალ თვეში სამ ერთეულ „ლეოპარდ 2“ ტიპის ტანკს გადასცემს.
„ვახორციელებთ „ლეოპარდ 2“ ტანკების აღდგენისა და ტექნიკური მომსახურების გეგმას და, გეგმის მიხედვით, მარტში შევძლებთ სამი მათგანი გავუგზავნო. სწორედ ამაზე ვმუშაობთ“, - განაცხადა კოსტამ ქვეყნის პარლამენტში სიტყვით გამოსვლისას.
ცნობისათვის, გასული კვირის ბოლოს პორტუგალიის პრემიერმა განაცხადა, რომ „ლეოპარდის“ ტანკების შესაკეთებლად საჭირო ნაწილების მოსაპოვებლად გერმანიასთან მოლაპარაკებებს აწარმოებდნენ.
პორტუგალიის შეიარაღებული ძალების ხელმძღვანელმა, ადმირალმა ანტონიო სილვა რიბეირომ ადრე განაცხადა, რომ ქვეყანას 37 ერთეული „ლეოპარდ 2“ ტიპის ტანკი აქვს.