ლიეტუვის თავდაცვის მინისტრი, არვიდას ანუსაუსკასი უკრაინაში ჩავიდა და ქვეყნის თავდაცვის მინისტრს, ოლექსი რეზნიკოვს შეხვდა.
უკრაინული მედიის ინფორმაციით, ორი ქვეყნის თავდაცვის მინისტრები უკრაინის სამხრეთ ნაწილს ეწვივნენ და რუსეთის ფედერაციის დამარცხებისთვის საჭირო ნაბიჯები განიხილეს.
“მქონდა პატივი, მემასპინძლა ჩემი მამაცი ლიეტუველი მეგობრისა და კოლეგისთვის, არვიდას ანუსაუსკასისთვის სამხრეთ უკრაინაში. ის იყო პირველი თავდაცვის მინისტრი, რომელიც ჩვენთან ჩამოვიდა გასული წლის მარტში სრულმასშტაბიანი ომის დროს. დღეს ჩვენ კვლავ შევხვდით უკრაინის ტერიტორიაზე და შევათანხმეთ შემდგომი ნაბიჯები ტერორისტული ქვეყნის დასამარცხებლად“, - წერს ოლექსი რეზნიკოვი „ფეისბუქში“.