„ევროპელი დემოკრატების“ ლიდერები ბრიუსელში შეხვედრებს განაგრძობენ

„ევროპელი დემოკრატების“ თავმჯდომარე პაატა დავითაია, პოლიტიკური საბჭოს თავმჯდომარე ნიკოლოზ ვაშაკიძე და გენერალური მდივანი მამუკა გამყრელიძე ევროკომისიის მმართველი დირექტორის უფროს მრჩეველს აღმოსავლეთ ევროპასა და ცენტრალურ აზიაში ბორის იაროშევიჩს შეხვდნენ.

„ევროპელი დემოკრატების“ მიერ გავრცელებული ინფორმაციით, პარტიის თავმჯდომარემ პაატა დავითაიამ განაცხადა, რომ შეხვედრაზე საქართველოში არსებული პოლიტიკური სიტუაცია და ევროინტეგრაციის პროცესში არსებული პრობლემები განიხილეს.

„ძალიან მნიშვნელოვანი და საინტერესო იყო შეხვედრა ბორის იაროშევიჩთან. იაროშევიჩი ევროკომისიის მაღალი რანგის წარმომადგენელია, ის წლების განმავლობაში იყო საქართველოში ევროკავშირის წარმომადგენლობის ერთ-ერთი ხელმძღვანელი პირი, შესაბამისად, კარგად არის ინფორმირებული იმ პრობლემებზე, რაც აქვს ქვეყანას დემოკრატიული რეფორმების და ევროინტეგრაციის მიმართულებით. ჩვენი საუბრის მთავარი თემა იყო ქვეყნის ევროპული მომავალი, ევროკომისიის 12 რეკომენდაცია, საარჩევნო და მართლმსაჯულების რეფორმის ხარვეზები.

ბატონ იაროშევიჩს გავაცანით ჩვენი ხედვა და მკაფიოდ დავაფიქსირეთ ჩვენი პოზიცია, რომ არსებული პრობლემების მიუხედავად, საქართველომ აუცილებლად უნდა მიიღოს ევროკავშირის კანდიდატი ქვეყნის სტატუსი, რაც არის ჩვენი ისტორიული შანსი და მთავარი სახელმწიფო ინტერესი, ცვლილებები პრობლემურ საკითხებთან დაკავშირებით კი შესაძლებელია განხორციელდეს სტატუსის მიღების შემდეგ.

ბატონ იაროშევიჩს გადავუხადეთ მადლობა საქართველოში დემოკრატიის და სამოქალაქო საზოგადოების განვითარებაში შეტანილი წვლილისთვის და მხარდაჭერისთვის, რაც ძალიან მნიშვნელოვანია ქვეყნის ევროკავშირთან დაახლოების პროცესში. შეხვედრაზე გამოითქვა მზაობა მომავალი ინტენსიური და მჭიდრო თანამშრომლობისთვის“, - განაცხადა პაატა დავითაიამ.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია