ირაკლი კობახიძე რუსეთთან ფრენების აღდგენაზე - თუ ეს გადაწყვეტილება მიღებული იქნება, მისასალმებელია, რადგან ამით ჩვენი მოქალაქეები ისარგებლებენ
„ქართული ოცნების“ თავმჯდომარის ირაკლი კობახიძის განცხადებით, თუ რუსეთთან ფრენების აღდგენის თაობაზე გადაწყვეტილება იქნება მიღებული, მისასალმებელია.
როგორც კობახიძემ ჟურნალისტებს განუცხადა, ფრენების აღდგენა რუსეთში მცხოვრებ საქართველოს მოქალაქეებს მგზავრობას გაუიოლებს.
„ჩვენი პოზიცია უცვლელია. ეს მათი ცალმხრივი გადაწყვეტილებაა. თუ ეს გადაწყვეტილება მიღებული იქნება, მისასალმებელია, რადგან ამით ჩვენი მოქალაქეები ისარგებლებენ. რუსეთის ფედერაციაში საქართველოდან გასული 800 ათას ადამიანი ცხოვრობს. მათთვის თუ მგზავრობა გაიოლდება, ეს სერიოზული შეღავათი იქნება. ამ კუთხით მისასალმებელი იქნება, თუმცა ეს ცალმხრივი გადაწყვეტილებაა და ამაში ვერ ვერევით“,- განაცხადა ირაკლი კობახიძემ.
