რუსულმა ძალებმა უკრაინის წინააღმდეგ, გასული დღის განმავლობაში, 106 რაკეტა ისროლეს და 59 საჰაერო დარტყმა განახორციელეს, აქედან 28 - Shahed-136 დრონების გამოყენებით, - ამის შესახებ უკრაინის შეიარაღებული ძალების გენერალური შტაბის ანგარიშშია აღნიშნული.

„მტერმა, ბოლო 24 საათის განმავლობაში, ჩვენი ქვეყნის ტერიტორიაზე მორიგი მასიური სარაკეტო შეტევა განახორციელა, ისროლა 106 რაკეტა, მათ შორის სამოქალაქო ინფრასტრუქტურის მიმართულებითაც“, - აცხადებენ უკრაინის გენერალურ შტაბში.

მათივე ინფორმაციით, მოწინააღმდეგემ გამოიყენა 32 S-300 ტიპის საზენიტო მართვადი რაკეტა და საჰაერო და საზღვაო ბაზირების 74 ფრთოსანი რაკეტა.

“აქედან 61 უკრაინელმა დამცველებმა გაანადგურეს”, - აცხადებენ გენშტაბში.

უწყების ცნობით, რუსულმა ძალებმა, გასული დღის განმავლობაში 59 საჰაერო დარტყმა განახორციელეს, მათ შორის Shahed-136 დრონების გამოყენებით და უკრაინელებმა 22 დრონი ჩამოაგდეს.

„ასევე, მტერმა უკრაინის ტერიტორია მრავალჯერადი სარაკეტო სისტემებიდან 90-ზე მეტჯერ დაბომბა“, - აცხადებენ გენშტაბში.