შალვა პაპუაშვილი - Credit Suisse-მა წელი ზარალით დაასრულა და მათი რეპუტაცია დაზიანებულია - სასამართლომ დაადასტურა, რომ ბანკი არაკეთილსინდისიერად იქცეოდა

საქართველოს პარლამენტის თავმჯდომარის შალვა პაპუაშვილის შეფასებით, Credit Suisse-ის განცხადება იმის თაობაზე, რომ ბანკმა უკრაინის ომის დაწყების შემდეგ 17,5 მილიარდის ფრანკის ოდენობის რუსული აქტივები გაყინა, არ შეიძლება ბიძინა ივანიშვილს ეხებოდეს.

პაპუაშვილის თქმით, ის რაც ივანიშვილის წინააღმდეგ ხდება, აბსოლუტურად გაუგებარია.

“ჩვენ ვიცით ის, რომ Credit Suisse-მა წელი ზარალით დაასრულა და ბევრი მიზეზის გამო მათი რეპუტაცია დაზიანებულია. რაც შეეხება რუსეთის საკითხს, ომს და ბიძინა ივანიშვილის საკითხს, ვერ ვხვდები ეს ერთმანეთთან რა კავშირშია? საბაბად და მიზეზად ბევრმა შეიძლება რაღაც თქვას... არის აბსოლუტურად გაუგებარი წინააღმდეგობა, რასაც ჩვენ ვხედავთ - იყო რამდენიმე საქმე, რაც ივანიშვილისთვის წარმატებით დასრულდა და სასამართლომ დაადასტურა, რომ ბანკი არაკეთილსინდისიერად იქცეოდა. სხვა ამაზე მეტი რაღა უნდა ითქვას, რომ ბანკის მხრიდან არაკეთისინდისიერი ქცევა აშკარა იყოს“, - განაცხადა შალვა პაპუაშვილმა.

შვეიცარიული ბანკი Credit Suisse აცხადებს, რომ მას შემდეგ, რაც უკრაინაში რუსეთის ფართომასშტაბიანი შეჭრა დაიწყო, 17.5 მილიარდი შვეიცარიული ფრანკის ოდენობის (დაახლოებით 19 მილიარდი დოლარი) რუსული აქტივები გაყინა.

ამის შესახებ გაზეთი Tages-Anzeiger იტყობინება. წერილში ნათქვამია, რომ მთლიანობაში, შვეიცარიაში არსებული რუსული აქტივების ოდენობა, დაახლოებით 46 მილიარდი ფრანკია. Credit Suisse-ის ანგარიშებზე ყველა აქტივის მესამედზე მეტია გაყინული. ამასთან, მათი მხოლოდ მცირე ნაწილი - დაახლოებით 4 მილიარდი ეკუთვნის ევროპის კავშირის სანქციების სიაში მყოფ ადამიანებს.

დიმიტრი ცქიტიშვილი - ხელისუფლებამ იცის, რომ ამერიკასთან ურთიერთობების დალაგების კუთხით ჩიხშია, ახლა მათ ერთადერთი ამოცანა აქვთ - არჩევნები მოიგონ და შემდეგ თქვან: ხალხმა ჩვენ აგვირჩია და დაანებეთ თავი ამ ქვეყანას
ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
ქართული პრესის მიმოხილვა 25.07.2024
კახა ოქრიაშვილი - „ოცნების“ ორმაგი და სამმაგი თამაში ომამდე მიგვიყვანს
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო