ნორვეგიის მთავრობის განცხადებით, უკრაინას გერმანული წარმოების Leopard 2 საბრძოლო ტანკებსა და სხვა აღჭურვილობას გაუგზავნიან.
„უკრაინის თავისუფლებისთვის ბრძოლის მხარდაჭერა ასეთი მნიშვნელოვანი არასოდეს ყოფილა“, - განაცხადა ნორვეგიის პრემიერ-მინისტრმა, იონას გაჰრ სტორემ.
ცნობისათვის, გუშინ ნორვეგიის პრემიერ-მინისტრმა და უკრაინის პრეზიდენტმა ტელეფონით ისაუბრეს და დახმარების 5-წლიანი პაკეტი განიხილეს, რომლის დამტკიცებასაც ნორვეგია უკრაინის მხარდასაჭერად გეგმავს.