რუსეთმა უკრაინაში სტრატეგიულად, ოპერატიულად და ტაქტიკურად წააგო და უზარმაზარ ფასს იხდის ბრძოლის ველზე, - ამის შესახებ აშშ-ის შეიარაღებული ძალების შტაბების მეთაურთა გაერთიანებული კომიტეტის ხელმძღვანელმა, გენერალმა მარკ მილიმ განაცხადა.
მისი თქმით, პუტინი ფიქრობდა, რომ უკრაინის სწრაფად დამარცხებას შეძლებდა, თუმცა შეცდა.
„პუტინი ფიქრობდა, რომ შეეძლო უკრაინის სწრაფად დამარცხება, ნატო-ს ალიანსის დაშლა და დაუსჯელად მოქმედება - ის შეცდა. უკრაინა რჩება თავისუფალი, დამოუკიდებელი. ნატო და ეს კოალიცია არასოდეს ყოფილა ასეთი ძლიერი და რუსეთი ახლა გლობალურად გარიყულია. მსოფლიო შთაგონებულია უკრაინული სიმამაცითა და გამძლეობით. მოკლედ, რუსეთმა წააგო - წააგო სტრატეგიულად, ოპერაციულად და ტაქტიკურად და უზარმაზარ ფასს იხდის ბრძოლის ველზე“, - განაცხადა ამერიკელმა გენერალმა.