უკრაინის თავდაცვის საკითხებზე საკონტაქტო ჯგუფი დღეს, „რამშტაინის“ ფორმატში შეხვედრის მეორე დღეს, უკრაინისთვის ტანკების მიწოდებაზე იმსჯელებს, - ამის შესახებ უკრაინის თავდაცვის მინისტრი, ოლექსი რეზნიკოვი „ტვიტერში“ წერს.

„ბრიუსელში პირველი სამუშაო დღე დასრულდა, მადლობელი ვარ „რამშტაინის“ მონაწილე ქვეყნების და ნატო-ს წევრი ქვეყნების უკრაინის მხარდაჭერისთვის. ხვალინდელი გრაფიკი დატვირთული იქნება. ჩვენ მეტ დროს დავხარჯავთ ტანკების საკითხის განხილვაზე“, - აცხადებს რეზნიკოვი.

აშშ-ის თავდაცვის მინისტრმა, ლოიდ ოსტინმა ბრიუსელში „რამშტაინის“ ფორმატში გამართული შეხვედრის შემდეგ განაცხადა, რომ საკონტაქტო ჯგუფის წევრებმა გადაწყვიტეს უკრაინას გამოუყონ : Bradley-ისა და Abrams-ის ტანკები აშშ-დან, Challenger-ის ტანკები - გაერთიანებული სამეფოდან, ასევე მოდერნიზებული ტანკები აშშ-დან, ნიდერლანდებიდან და ჩეხეთიდან და T-72 ტიპის ტანკები პოლონეთიდან. ასევე დახმარება ასევე მოიცავს მნიშვნელოვან ნაბიჯებს Leopard-ის ტანკებთან დაკავშირებით კანადიდან, გერმანიიდან, ესპანეთიდან, ნორვეგიიდან, დანიიდან, ნიდერლანდებიდან, პოლონეთიდან და პორტუგალიიდან.