უკრაინის თავდაცვის მინისტრის, ოლექსი რეზნიკოვის განცხადებით, მას პრეზიდენტმა ვოლოდიმირ ზელენსკიმ სთხოვა დარჩეს ამჟამინდელ თანამდებობაზე.

მედიის ცნობით, კითხვაზე, მოელის თუ არა, რომ მომდევნო თვეებში, გააგრძელებს თავდაცვის მინისტრის პოსტზე მუშაობას, რეზნიკოვმა უპასუხა: „დიახ, ეს ჩემი პრეზიდენტის გადაწყვეტილება იყო”.

როგორც მედია წერს, ეს მას შემდეგ ხდება, რაც უკრაინის თავდაცვის სამინისტრო კორუფციულ სკანდალში გაეხვა, რამაც რეზნიკოვის, როგორც მინისტრის როლი ეჭვქვეშ დააყენა.

ცნობისთვის, კორუფციული ბრალდებების შემდეგ, რეზნიკოვის ერთ-ერთმა მოადგილემ თანამდებობა გასულ თვეში დატოვა. კიდევ ორი კი გუშინ გაათავისუფლეს.