გიორგი ვაშაძის განცხადებით, „ქართული ოცნება“ ყველაფერს აკეთებს, რომ საქართველოს კანდიდატის სტატუსი არ მისცენ

„სტრატეგია აღმაშენებლის“ ლიდერის გიორგი ვაშაძის შეფასებით, მმართველი პარტია ყველაფერს აკეთებს, რომ საქართველოს კანდიდატის სტატუსი არ მისცენ. მისი თქმით, ეს არის იმ სტრატეგიის გაგრძელება, რომელიც „ქართულ ოცნებას“ გასულ წელს ჰქონდა, როდესაც კანდიდატის სტატუსთან დაკავშირებით განხილვის წინა პერიოდში პოლიტიკური ნიშნით იჭერდა ადამიანებს.

„ერთი ერთში რასაც ახლა აკეთებს „ქართული ოცნება", ზუსტად არის ის სტრატეგია, რაც მას ჰქონდა გასულ წელს. იღებდა კანონებს, რომ არ მოეცათ კანდიდატის სტატუსი. იჭერდა და პოლიტიკურ პატიმრებს სვამდა ციხეში იმისთვის, რომ არ მოეცათ ევროკავშირის კანდიდატის სტატუსი. გაგახსენებთ, შარშან მიიღეს მოსმენების კანონი, არ გვისმენენ? რამეში სჭირდებოდათ ეს კანონი? ერთადერთი, რაშიც ეს კანონი სჭირდებოდათ მათ, იყო ის, რომ არ მოეცათ კანდიდატის სტატუსი. ჩვენ ყველაფერს ვაკეთებთ იმისთვის, რომ კანდიდატის სტატუსი მივიღოთ და ევროკავშირში შევიდეთ. „ქართული ოცნება" ამ კანონს, დაფინანსებებთან დაკავშირებით, იღებს მხოლოდ და მხოლოდ ერთი რამის გამო, არ მოგვცენ კანდიდატის სტატუსი, შეასრულონ დავალება, რომელიც მიღებული აქვთ მოსკოვიდან. სამწუხარო რეალობა არის ეს“, -განაცხადა ვაშაძემ.

ლევან ლორთქიფანიძე - დასავლეთის მკაცრი, მიზანმიმართული გადაწყვეტილებები, ივანიშვილს აგრძნობინებს, რომ მან ადრე ჩამოწერა აშშ და ევროკავშირი, რომ დასავლეთი არ აპირებს ხელი აიღოს თავის ინტერესებზე სამხრეთ კავკასიაში
ქართული პრესის მიმოხილვა 18.07.2024
კავკასიის ტექნოლოგიების სკოლა და კომპანია „პარვუს ჯგუფი“ აბიტურიენტებს და დაინტერესებულ პირებს ენერგეტიკისა და ელექტროინჟინერიის ახალი საბაკალავრო პროგრამის პრეზენტაციაზე იწვევს
კავკასიის მედიცინის ცენტრი JCI აკრედიტებული პირველი მულტიპროფილური რეფერალური ჰოსპიტალი გახდა ქვეყანაში
მეხუთე თაობის „სანტა ფე“ - მზად ნებისმიერი თავგადასავლისთვის