ვოლოდიმირ ზელენსკი - ნებისმიერი ტერიტორიული კომპრომისი ჩვენ, როგორც სახელმწიფოს, უფრო სუსტს გაგვხდის - კომპრომისი პუტინთან? - არა

უკრაინის პრეზიდენტი, ვოლოდიმირ ზელენსკი რუსეთთან პოტენციური სამშვიდობო შეთანხმების ფარგლებში თავისი ქვეყნის რომელიმე ტერიტორიის დათმობას გამორიცხავს.

ზელენსკიმ BBC-სთან ინტერვიუში განაცხადა, რომ რუსეთის მხრიდან საგაზაფხულო შეტევა უკვე დაწყებულია და რუსეთის თავდასხმები რამდენიმე მიმართულებით ხდება. ამ კონტექსტში, უკრაინის პრეზიდენტმა კიდევ ერთხელ გაუსვა ხაზი დასავლეთის მხრიდან უკრაინისთვის იარაღის მიწოდების აუცილებლობას.

„რა თქმა უნდა, თანამედროვე იარაღი აჩქარებს მშვიდობას. იარაღი არის ერთადერთი ენა, რომელიც რუსეთს ესმის", - განუცხადა ზელენსკიმ BBC-ს.

მისი თქმით, უკრაინა თავისი გადარჩენისთვის იბრძვის და ევროპისკენ მიისწრაფვის როგორც ეკონომიკურად, ასევე ღირებულებებით.

"ჩვენ ავირჩიეთ ეს გზა. ჩვენ გვინდა უსაფრთხოების გარანტიები. ნებისმიერი ტერიტორიული კომპრომისი ჩვენ, როგორც სახელმწიფოს, უფრო სუსტს გაგვხდის“, - აღნიშნა ზელენსკიმ,

მისი თქმით, საუბარი არ არის ზოგადად კომპრომისის მიმართ შიშზე, საუბარია, ვისთან მიდიხარ კომპრომისზე.

„საქმე თავად კომპრომისში არაა. რატომ გვეშინოდეს ამის? ჩვენ ყოველდღიურად მილიონობით კომპრომისი გვაქვს ცხოვრებაში. საკითხავია ვისთან? პუტინთან? არა. იმიტომ რომ ნდობა არ არსებობს. დიალოგი მასთან? არა იმიტომ, რომ ნდობა არ არსებობს“, - აღნიშნა ზელენსკიმ.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია