„ლელოს“ ლიდერები კიევში, უკრაინის მმართველი პარტიის თავმჯდომარეს და პოლიტსაბჭოს წევრებს შეხვდნენ

„ლელოს“ ლიდერები კიევში, მმართველი პარტიის „სლუგა ნაროდას” თავმჯდომარეს, ოლენა შულიაკს და პოლიტსაბჭოს წევრებს შეხვდნენ.

პარტია „ლელოს“ ინფორმაციით, შეხვედრა სახელისუფლებო პარტიის მთავარ ოფისში შედგა.

მათივე ცნობით, „ლელოს“ თავმჯდომარემ მამუკა ხაზარაძემ, გენმდივანმა ბადრი ჯაფარიძემ, სალომე სამადაშვილმა და გრიგოლ გეგელიამ კოლეგებს პირადად დაუფიქსირეს ქართველი ხალხის თანადგომა.

„ლელოს” ლიდერების ვიზიტი უკრაინაში განსაკუთრებით მნიშვნელოვანია იმ ფონზე, რომ “ქართული ოცნებამ” და საქართველოს ხელისუფლების წარმომადგენლებმა უკრაინაში ვიზიტზე უარი თქვეს.

უკრაინის მმართველი პარტიის სათავო ოფისში შეხვედრაზე მხარეებმა ისაუბრეს უკრაინა საქართველოს ურთიერთობებზე და თანამშრომლობის განვითარებაზე. საუბარი შეეხო ევროინტეგრაციის გზაზე ორი მეგობარი ქვეყნის საერთო გამოწვევებს. მხარეებმა დეტალურად ისაუბრეს ომისშემდგომი უკრაინის რეკონსტრუქციის პროგრამაზე და ამ მიმართულებით დახმარებაზე. „ლელოს” ლიდერებმა მზაობა გამოთქვეს ამ პროცესში აქტიურ მონაწილეობაზე. შეხვედრაზე დეტალურად ისაუბრეს ახალ “მარშალის გეგმაზე”, რომელსაც დასავლური სამყარო უკრაინას სთავაზობს. „მარშალის გეგმა - საქართველოს რეკონსტრუქციის პროგრამა“ პარტია „ლელოსაც“ აქვს დამუშავებული.

„ლელოს” დელეგაცია კიევში უკრაინული მხარის მიწვევით იმყოფება. მამუკა ხაზარაძე, ბადრი ჯაფარიძე, სალომე სამადაშვილი და გრიგოლ გეგელია 24 თებერვალს დაესწრებიან რუსეთ - უკრაინის ომის დაწყების 1 წლისთავისადმი მიძღვნილ “რადას” საგანგებოს სხდომას. სხდომაში მონაწილეობას მიიღებენ პოლიტიკური დელეგაციები მთელი მსოფლიოდან.

„ლელოს” დელეგაციის წევრებს შეხვედრები აქვთ დაგეგმილი, როგორც უკრაინელ კოლეგებთან, ასევე ევროპის სხვადასხვა ქვეყნის პოლიტიკურ ლიდერებთან“, - აღნიშნულია ინფორმაციაში.

გაბრიელიუს ლანდსბერგისი - რასაც ჩვენ ახლა ვხედავთ, საქართველოს „სტალინიზაციაა“
ქართული პრესის მიმოხილვა 13.02.2025
ფარხატ მამედოვი - ჯერჯერობით იმის თქმა შეიძლება, რომ ტრამპის ადმინისტრაციას სამხრეთ კავკასიის მიმართ თავისი ინტერესები, მიზნები და ამოცანები არ განუსაზღვრავს
კახა ოქრიაშვილი - თუ ამ ბრძოლაში უკრაინამ ვერ გაიმარჯვა, ეს ამერიკის მარცხი იქნება!
„პროკრედიტ ბანკში“ ქალი მეწარმეების დაფინანსების პროგრამა დაიწყო
ევროპის ზამთრის ახალგაზრდულ ოლიმპიურ ფესტივალზე გოგონათა და ვაჟთა შორის საუკეთესო სპორტსმენებს, ნოდარ ქუმარიტაშვილის სახელობის ჯილდო გადაეცემა