გრიგოლ რობაქიძის სახელობის უნივერსიტეტი, როგორც პარტნიორი, ამერიკის, ტეხას ა&მ უნივერსიტეტის კვლევით სემინარებში Paths to Publication ჩაერთო.
გრიგოლ რობაქიძის სახელობის უნივერსიტეტის ცნობით, ონლაინსწავლება Paths to Publication მოიცავს კვლევასთან, სამეცნიერო ნაშრომის მომზადებასთან, გამოქვეყნებასა და გრანტებთან დაკავშირებულ სემინარებს, რომელსაც მასპინძლობს ტეხას ა&მ-ის უნივერსიტეტის განათლებისა და კვლევის სკოლა და კურსდამთავრებულთა მრჩეველთა საბჭო.
„სემინარების სერია განკუთვნილია აკადემიური პერსონალისა და ახალგაზრდა მკვლევრებისათვის და ორ კვირაში ერთხელ იმართება. 2023 წლის თებერვალში გრუნის 60-მდე ახალგაზრდა მკვლევარი და აკადემიური პერსონალი ამ მეცადინეობებში ჩაერთო.
დღეისათვის სემინარის ორი მეცადინეობა ჩატარდა, ტეხასის A&M უნივერსიტეტის პროფესორებმა - შერილ კრეიგმა და ლაურა სარემ ისაუბრეს სამეცნიერო ნაშრომის სათაურის, აბსტრაქტის, შესავლის, ლიტერატურის მიმოხილვის, მონაცემთა საცავებზე წვდომის, კვლევის მონაცემთა მენეჯმენტის, ციტირების ინდექსისა და სხვა საკითხების შესახებ, მონაწილეებს გაუზიარეს თავიანთი გამოცდილება და მისცეს რჩევები. კვლევითი სემინარები გრძელდება“, - აღნიშნულია გავრცელებულ ინფორმაციაში.
