„დემოკრატიის კვლევის ინსტიტუტი“ - უსაფრთხოების სექტორზე საპარლამენტო კონტროლი არაეფექტიანია და საპარლამენტო კონტროლის მექანიზმები ოპოზიციისთვის ლიმიტირებულია

„დემოკრატიის კვლევის ინსტიტუტმა" ანგარიშის "უსაფრთხოების სექტორზე საპარლამენტო კონტროლის მნიშვნელობა და არსებული გამოწვევები" პრეზენტაცია გამართა. არასამთავრობო ორგანიზაციის შეფასებით, უსაფრთხოების სექტორზე საპარლამენტო კონტროლი არაეფექტიანია და საპარლამენტო კონტროლის მექანიზმები ოპოზიციისთვის ლიმიტირებულია.

„ოპოზიციას არ აქვს სუს-ის უფროსის საპარლამენტო კომიტეტის სხდომაზე დამოუკიდებლად დაბარების შესაძლებლობა; საპარლამენტო კომიტეტებზე თანამდებობის პირების სავალდებულო მოსმენის მექანიზმი ამ დროისთვის რეალურად არ მოქმედებს; მზარდია პარლამენტარების მიერ გაგზავნილი წერილების რაოდენობა, თუმცა შეკითხვების ანალიზი ცხადყოფს პარლამენტის დარგობრივ კომიტეტებთან კვალიფიციური სპეციალისტების ჯგუფის არსებობის საჭიროებას, რომელიც კონსულტაციას გაუწევდა და დაეხმარებოდა პარლამენტის წევრებს, გააფართოონ ზედამხედველობის შინაარსობრივი არეალი; შსს ზოგჯერ განსხვავებულად პასუხობს საპარლამენტო უმრავლესობისა და საპარლამენტო ოპოზიციის წარმომადგენლების იდენტურ კითხვებს; სუს-ი ზოგჯერ ფორმალური მიზეზით, ხოლო ზოგჯერ სახელმწიფო საიდუმლოების ფართო ინტერპრეტაციით, თავს არიდებს დეპუტატების კითხვებზე პასუხის გაცემას; ანგარიშვალდებული უწყებების მიერ საქართველოს პარლამენტისთვის წარმოდგენილი ანგარიშების წარდგენის თუ მოსმენის პროცესი ფორმალურია; სუს-ის წლიურ ანგარიშში არაერთი მნიშვნელოვანი საკითხი ან გამოტოვებულია ან ფორმალურადაა მოხსენიებული, კონკრეტული ანალიზისა და საქმიანობის შედეგების წარმოდგენის გარეშე",-ნათქვამია ანგარიშში.

ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს