ვოლოდიმირ ზელენსკი ზაპოროჟიეზე თავდასხმაზე - ჩვენს მიწაზე ბოროტება ვერ გამეფდება, ოკუპანტები პასუხს აგებენ ყველაფერზე
უკრაინის პრეზიდენტი, ვოლოდიმირ ზელენსკი რუსული ძალების მიერ ზაპოროჟიეზე განხორციელებულ სარაკეტო თავდასხმას ეხმაურება და აცხადებს, რომ ოკუპანტები პასუხს აგებენ იმ ტერორისტულ ქმედებებზე, რასაც უკრაინაში სჩადიან.
„ზაპოროჟიე. ღამით ოკუპანტებმა ქალაქის ცენტრს დაარტყეს. დარტყმა მოხდა მაღალსართულიან კორპუსში. განადგურდა მე-3, მე-4, მე-5 სართულები. სამწუხაროდ, არიან დაღუპულები და დაშავებულები. სამძებრო-სამაშველო სამუშაოები გრძელდება“, - აღნიშნა ზელენსკიმ.
მისივე თქმით, ტერორისტულ სახელმწიფოს სურს უკრაინელებისთვის ყოველი დღე ტერორის დღედ აქციოს.
„მაგრამ ჩვენს მიწაზე ბოროტება ვერ გამეფდება. გავდევნით ყველა ოკუპანტს და ისინი აუცილებლად აგებენ პასუხს ყველაფერზე", - აღნიშნა ზელენსკიმ.
შეგახსენებთ, რუსულმა ძალებმა წუხელ ზაპოროჟიეზე სარაკეტო თავდასხმა განახორციელეს, რის შედეგადაც მინიმუმ 3 ადამიანი დაიღუპა. 6 დაშავებული საავადმყოფოშია გადაყვანილი. დაშავებულ მოქალაქეებს შორის ფეხმძიმე ქალიცაა.
v-if="article.gallery" v-html="article.gallery"
