განათლების განვითარების დასაქმების ცენტრმა (EDEC), ქალაქ ფოთში მცხოვრები მიკრო, მცირე და საშუალო საწარმოს წარმომადგენლებისთვის, თემებზე „მეწარმის ხედვიდან ბიზნესის სტრატეგიამდე“ (ბიზნესის საგზაო რუკის შექმნა); „ფინანსური მართვა–ბიზნეს გეგმის შედგენა“; „რესურსების მობილიზება და ციფრული მარკეტინგი“ ტრენინგები გამართა.

ფოთის საზღვაო ნავსადგურის ინფორმაციით, ტრენინგები ოთხ ეტაპად განხორციელდა და მსმენელებს საშუალება მისცა შეესწავლათ, ბიზნესის სწორად მართვის საბაზისო ტექნიკები და გამოემუშავებინათ საჭირო უნარ-ჩვევები საკუთარი ბიზნეს საქმიანობის განვითარებისათვის. ტრენინგებს მოწვეული ექსპერტები და სპეციალისტები უძღვებოდნენ.

მათივე ცნობით, ტრენინგები ორგანიზებული იყო პროექტის „ფოთში მოქმედი მცირე და საშუალო წარმოების გაძლიერება“ ფარგლებში, რომელიც USAID-ის ეკონომიკური უსაფრთხოების პროგრამის და APM Terminals Poti-ს მხარდაჭერით ხორციელდება. ფოთში პროექტს განათლების განვითარების და დასაქმების ცენტრი (EDEC) ახორციელებს.