ყველაზე კარგი ინდიკატორი, რომ ეს კანონი ემსახურება თავისუფალი ადამიანების განდევნას ამ ქვეყნიდან და ვინც დარჩება, მათთვის ხელების გადაგრეხას, სასუნთქი ჰაერის ამოკეტვას, არის ძალოვნების კორდონი, რომელიც არის პარლამენტს გარეთ, ყველა სართულზე, კომიტეტის წინ, - ამის შესახებ "ლელოს" დეპუტატმა ანა ნაცვლიშვილმა პარლამენტში, ჟურნალისტებთან განაცხადა.

როგორც მან აღნიშნა, ძალოვნების სიმრავლე ამ კანონს ამხელს.

"მინდა დავიწყო მადლობით იმ მოქალაქეების მიმართ, ვინც პარლამენტთან არიან მოსულები და დგანან, რათა კონსტიტუციური, მშვიდობიანი პროტესტი გამოხატონ ამ კანონის მიმართ. ის, რომ პარლამენტი მერამდენე დღეა უსაფრთხოების საგანგებო რეჟიმით მუშაობს, ადასტურებს იმას, რომ ძალადობრივია ის კანონი, რომლის მიღებასაც "ქართული ოცნება" გეგმავს, სუს- ით, ძალოვნებით გარშემორტყმულ პარლამენტის შენობაში. ყველაზე კარგი ინდიკატორი, რომ ეს კანონი ემსახურება თავისუფალი ადამიანების განდევნას ამ ქვეყნიდან და ვინც დარჩება, მათთვის ხელების გადაგრეხას, სასუნთქი ჰაერის ამოკეტვას, არის ძალოვნების კორდონი, რომელიც არის პარლამენტს გარეთ, ყველა სართულზე, კომიტეტის წინ. ეს არ არის ნორმალური საკანონმდებლო პროცესი და ძალოვნების სიმრავლე პარლამენტში ამ კანონს ამხელს,"- განაცხადა ნაცვლიშვილმა.