ლევან ხაბეიშვილი - ფაქტობრივად, სუს-ის და სპეცდანიშნულების რაზმი ჰყავთ მოყვანილი, შეშლილი „პუტინისტები“ არიან - ამათ დედა უნდა ვუტიროთ
ფაქტობრივად, სუს-ის და სპეცდანიშნულების რაზმი ჰყავთ მოყვანილი, მათ შორის ფიზიკურ ანგარიშსწორებაზე უკან არ იხევენ. შეშლილი "პუტინისტები" არიან, ანრი ოხანაშვილი და რუსეთუმე "პუტინისტი" დეპუტატები ფიზიკური ანგარიშსწორებისთვის მზად არიან“, - ამის შესახებ „ნაციონალური მოძრაობის“ თავმჯდომარემ, ლევან ხაბეიშვილმა ე.წ. აგენტების შესახებ კანონპროექტის განხილვისას მომხდარ დაპირისპირებაზე კომენტირებისას განაცხადა.
მისივე თქმით, კომიტეტის სხდომა იძულებით სუს-ის 12-მა თანამშრომელმა დაატოვებინა.
„ფაქტობრივად, სუს-ის და სპეცდანიშნულების რაზმი ჰყავთ მოყვანილი, მათ შორის ფიზიკურ ანგარიშსწორებაზე უკან არ იხევენ. შეშლილი "პუტინისტები" არიან, ანრი ოხანაშვილი და რუსეთუმე "პუტინისტი" დეპუტატები მზად არიან ფიზიკური ანგარიშსწორებისთვისაც. ამათ პასუხი უნდა გავცეთ ყოველ მიზეზ გარეშე, გავცემთ და დაგველოდონ. პუტინისტური კანონი არ მოგვწონს.
დარბაზი ჩვენ არ დაგვიტოვებია, 12-მა კაცმა დაგვატოვებინა. ვინც ხელს უშლის ამათ, ვინც ხმამაღლა საუბრობს და არ უნდა პუტინის თუთიყუშების კანონი მიიღონ, ეს ჩვენმა მოქალაქეებმა კარგად უნდა გაიაზრონ. დღეს "პუტინისტები" არიან ხელისუფლებაში, შეუძლიათ ძალის გამოყენება, შეუძლიათ აი, ეს სუს-ის თანამშრომლები მოიყვანონ, ესენი არცერთი მანდატური არ არის. უბედურება ხდება, ამათ შეხედეთ სახეზე, არცერთი მანდატური არ არის. სუს-ის სპეცსამსახურების წარმომადგენლები არიან, ფორმაც არ აცვიათ, ვინ არიან იცნობთ? დარწმუნებული ვარ, ამ ბიჭების დიდ უმრავლესობას, რუსების წინააღმდეგ ნაომარი ექნებათ. დედას გეფიცებით, გული მეწვის, აი, ამათ შეხედეთ და ახლა იცავენ პუტინს, რუსულ კანონს, მერე შვილებს ეტყვიან, რომ მამა კი ვიომე იქ მაგრამ, ანრი ოხანაშვილმა და ირაკლი კობახიძემ გამარუსაო. ამ "პუტინისტებს" დედა უნდა ვუტიროთ“, - განაცხადა ხაბეიშვილმა.
v-if="article.gallery" v-html="article.gallery"
