სალომე სამადაშვილი - სერგო ორჯონიკიძე რომ ადგეს საფლავიდან და დაჯდეს იმ ადგილას, ანრი ოხანაშვილისგან არაფერს განსხვავებულს არ გააკეთებდა

სერგო ორჯონიკიძე რომ ადგეს საფლავიდან და დაჯდეს იმ ადგილას, ანრი ოხანაშვილისგან არაფერს განსხვავებულს არ გააკეთებდა - დავალება, რომელიც მიიღო რუსეთის საოკუპაციო რეჟიმმა ჩვენს ქვეყანაში არის ის, რომ საბოლოოდ გააფორმოს ქვეყნის გადასვლა დასავლური განვითარების გზიდან, - ამის შესახებ ჟურნალისტებთან "ლელოს" დეპუტატმა სალომე სამადაშვილმა განაცხადა.

მისი თქმით, "რუსეთის საოკუპაციო რეჟიმის ერთ- ერთ ჭანჭიკს", ანრი ოხანაშვილს დავალება აქვს მიღებული, რომ განხილვა ნებისმიერ ფასად შედგეს.

"დღეს ოპოზიციას უნდა ჩაეცვა მაისურები ილია ჭავჭავაძის, პეტრე ოცხელის, სხვადასხვა დროს საბჭოთა კავშირის მიერ განადგურებული ქართველი საზოგადო მოღვაწეების ციტატებით და სურათებით. დღეს საქართველოს პარლამენტში ამ მაისურების შემოტანა გახდა შეუძლებელი, რადგან პარლამენტს აკონტროლებს არა ქართული პოლიცია, არა ქართული სუს- ი, არამედ რუსეთის საოკუპაციო რეჟიმის თანამშრომლები. „ქართულმა ოცნებამ" ფარსად გადააქცია ის, რომ სხდომა იმართება პირველი რესპუბლიკის დარბაზში, რადგან მათი მიზანია, საქართველო ჩამოშორდეს დასავლური განვითარების გზას, შემდეგ არჩევნებს თუ ჩაატარებს, ჩაატაროს ღიად ანტიდასავლური კამპანია და დასრულდეს ყველანაირი საუბარი ამ ქვეყნის ევროპული მომავლის თაობაზე. ამას იმიტომ აკეთებს, რომ რუსეთი აუცილებლად დამარცხდება უკრაინაში და მას სჭირდება გაფორმებული ჰქონდეს მყარი გამარჯვება სადმე სხვაგან. ამიტომ დღეს დავალება, რომელიც მიიღო რუსეთის საოკუპაციო რეჟიმმა ჩვენს ქვეყანაში არის ის, რომ საბოლოოდ გააფორმოს ჩვენი ქვეყნის გადასვლა დასავლური განვითარების გზიდან და დღეს კანონპროექტის განხილვა მიმდინარეობს ძალადობრივ რეჟიმში, რაც ნიშნავს, რომ პროცესი არ გამოხატავს ქართველი ხალხის ნებას,"- განაცხადა სამადაშვილმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024